洪水橋奪命工傷｜疫後被迫轉職送建築材料 遺孀哭崩：突然話我無咗老公，你叫我點接受？

洪水橋今日（21日）下午發生奪命工業意外，62歲的重型貨車司機陳志華遭一塊重約3噸重的石屎預製件擊中，喪失寶貴性命，也令一家四口昔日天倫樂畫面不復再。遺孀淚如雨下，聲嘶力竭哭稱：「我唔相信自己無咗個老公，揸貨車咋嘛，點會咁危險，點會無咗個老公，我接受唔到囉」。

「我問過佢成日去地盤會唔會好危險，佢答我坐喺架車度，啲嘢唔洗我理，叫我放心，今朝出門口佢先同我傾偈，突然間話我無咗個老公，你叫我點接受？我無可能接受到囉」陳太今日下午驚悉62歲丈夫陳志華發生意外的噩耗，立即由澳門返回香港，可惜最終與丈夫天人永隔。

死者陳志華。

 

遺孀淚如雨下，聲嘶力竭哭訴。

 

遺孀淚如雨下，聲嘶力竭哭訴。

 

遺孀淚如雨下，聲嘶力竭哭訴。

 

現場為洪水橋/厦村新發展區專用安置屋邨第一期甲地盤。

 

相關新聞：洪水橋地盤3噸石屎預製件塌下 送貨司機慘遭壓斃 房協發30萬元撫恤金

陳太向記者透露，自己與丈夫結婚近40年，育有一對已出身的子女，丈夫之前為運輸公司老闆，擁有數架中港貨櫃車運送生果，生意一直順風順水，惟疫情令生意重創，被迫賣車套現維生，而她亦因腳傷需要休養沒有上班，「佢好顧家，係屋企經濟支柱嚟，平日都會畀家用我，但疫情3年佢無返過工，賣下賣下就無晒啲車，而家賣淨一部車就拎嚟開工，轉做送建築材料」。

陳太非常擔心丈夫經常出入地盤會發生意外，但丈夫多番表示自己只坐在車內，不會有危險著她放心。今早陳太因母親生病，專程到澳門探望，丈夫更指可以載她到機場，但她為免丈夫舟車勞頓，決定自己搭車前往，到埗後更向丈夫報平安，詎料最後發生意外，「我打畀佢同佢講我到咗澳門，去到阿媽屋企佢仲答我ok，大概個幾鐘就收到警察電話，我都唔相信，我仲話警察玩添，叫佢唔好講笑呀，點知警察話你先生發生咗意外，我就即刻就返嚟啦」。

消防及救護員到場。

 

消防到場協助。

 

消防及救護員到場。

 

警方在場調查意外原因。

 

洪水橋發生奪命工傷。

 

大批警員及消防趕到現場。

 

洪水橋發生奪命工傷。

 

大批警員及消防趕到現場。

 

陳太又透露，丈夫前幾天已跟她提到涉事地盤已經起貨，將最後的組件安裝，但今日卻指仍有最後一件組件未裝，需要到地盤「跟埋少少手尾」，「佢話返去晏啲就收工，點知會咁樣呀！如果知道咁危險，我一定唔會畀佢做啦」。

房協事後回覆傳媒查詢時表示，向死者家屬致深切慰問，並發放一筆過港幣30萬元的撫恤金，但陳太聲淚俱下哭訴指建築公司及房協一直未有與他們聯絡：「到而家無人聯絡過我，亦都無人畀撫恤金我，我到而家都唔知發生咩事，我都係睇電視講先知咋」。她促請涉事建築公司立即交代事件，讓他們了解事件的真相。

事件發生於今日早上11時許，62歲的重型貨車司機陳志華於洪水橋/厦村新發展區專用安置屋邨第一期甲地盤，遭一塊5米乘0.5米乘1.5米、重逾三噸石屎預製件擊中，當場重傷不治。消息指，陳去年11月開始不時受運輸公司委託，將建築材料由內地運至地盤，事發前受託將組件由惠州運至本港。至今早事主到達涉事地盤，當時涉案石屎預製件在貨車上有安全帶繫穩及鐵架承托，惟事主自行鬆綁安全帶，及後石屎預製件連鐵架突然鬆脫塌下，導致意外。

---

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。